"عم بسطويسي"

عم بسطويسي
ده مرسي رئيسي!
اخييه مليش في سيسي
ده أحنا الربعاويه
و حجوز حريه و عدليه !
عايش في الأحلام الورديه
عايزلك جردلان مايه
ما تفوق بقي و فكر فيه
أرسم
خطط 
طريقك ليه
مش عليه!!!
خضر
عمر
وسيبك م الشرعيه
ده كلام محفوظ
قولته فوق الألف ميه
عايزيها اسلاميه
يخربيت الشاطر علي غزلان علي عريان
ايلي لبسوك طرطور و جلابيه
لفوفوك و سرحوك في الموالد
و اخر الشهر يدوك المهيه
تروح تجيب بيهم مهلبيه!
الظاهروقعنا في مقلب حراميه
طب فين الرحمه ؟
فين الانسانيه؟
و هي ديه مبادئ الأديان السماويه
بسطويسي
مش ممكن تكون من ولادي
م البلد ديه !
ملامحك غريبه عليه!
مش هيا هيا!
طب ليه في عز النور تقول الدنيا ضلمه ؟!
و لما احتجلك تطبطب عليه
الاقيك مسكلي البندقيه!
تيتم أخواتك
و تقتل كل حاجه حلوه فيه
مش هما دول المصراويه !
و بأختصار هي ديه القضيه

"كسبت التحدي"

!فرحان بقلوب مجمعها 
!مره شريها مره بايعها
أنا مرايتك و حقيقتك بانت جوايا
وجاي تسأل 
!!هي ليه مش حاسه بهوايه؟
كل ما اشوف في عنيك
نظره حلوه أو ابتسامه
!اخاف منك اكتر
خايفه احبك
و يجي اليوم ما تقدر
كل ما فكر اقرب
مليون حاجه تمنعني
ده قلبي رافض يسمعني 
حتي في منامي الملايكه بتبعدني عنك
وجاه اليوم ..
عرفت انك وخدني تحدي
و تكتب في دفاترك القديمه
"اهي مجرد ذكري و حتعدي"
ونهارده جايه قولك 
أنا ايلي كسبت التحدي" ..  رنده سرور"

"خدت قراري"

"مبحبش أتكلم "

"عجبني فيك "

" كسبت التحدي"